Home » Post Item » Mainit ang Ulo ni Ma’am!
Mainit ang Ulo ni Ma’am!
Thursday, April 30, 2009Kahapon (Miyerkules), nung bibili ako ng bagel with cream cheese sa CountryStyle..napansin ko yung wheat bread nila dun sa ibabaw ng counter. Ginagamit nila yun sa mga sandwiches nila. Nagtanong ako kung nagbebenta ba sila ng isang loaf.
Sabi ni Rose (aka the Manager who-knows-it-all), oo daw. Pwede naman daw silang mag-order ng extra para sakin. 61 pesos daw. Sabi ko OKay. OKay lang kasi ngayon pa naman yung sweldo at wala naman na akong pera kahapon. Sabi ko sige bukas na lang.
Sinabi ko pa sa kanya bago ako umalis na, “Tandaan mo ha..”
Sabi nya, “Opo Ma’am”
So kampante naman ako na ngayong araw na to eh makakabili ako nung wheat bread nila. Kasi balak kong bumili na lang ng palaman, para makatipid pag breakfast or lunch.
Di ako nakadaan nung umaga kanina kasi late na ako at dami ko na ginagawa. So ngayong hapon, after ko pumasa dun sa exam. Sabi ko daan nga ako sa countrystyle, treat ko naman sarili ko. Saka para makuha ko na din ung wheat bread, baka sabihin nila kasi nag-order-order ako tapos di ko sisiputin.
Kahapon din kasi, nagparinig yung impaktang manager na yun na MERON DAW silang isang customer na umorder din dati ng doughnuts tapos di naman binalikan.
So eto nga, pumunta ako dun ngayon, bago ako magwithdraw. At nung tinanong ko yung nasa counter, sinabi sakin na wala naman daw inendorse sa kanila. SO BADTRIP NAKO DIBA!
Umalis ako at nagwithdraw muna. Pagkabalik ko bumili na rin ako ng walnut chocolate ruler, gutom na ako eh. Yayain ko sana si ryan, mukhang busy siya, kaya ok lang. magkakape na lang ako sana.
Mejo nagtaray na ako dun sa countrystyle habang kinukwento ko sa kanila yung sinabi sakin ng manager nila. Tapos nung pasakay na ko ng elevator, medyo narinig ko, parang may nagsabi ng, “Mainit ata ulo ni Ma’am…”
